Manchester City pritet të zyrtarizojë së shpejti trajnerin e ri pas largimit të Pep Guardiolës. Sipas gazetarit italian Gianluca Di Marzio, “Qytetarët” kanë arritur marrëveshje me Chelsea për Enzo Marescan.
Klubi anglez do të paguajë 20 milionë euro për të siguruar trajnerin italian, i cili është gati të nisë një aventurë të re në Manchester.
Maresca pritet të firmosë një kontratë katërvjeçare me Manchester City, ndërsa të gjitha kushtet janë dakordësuar. Prezantimi zyrtar pritet të bëhet në ditët në vijim.
Gjatë periudhës së tij te Chelsea, Maresca arriti të fitonte dy trofe me klubin londinez: Conference League dhe Botërorin e Klubeve, ku “Blutë” mposhtën PSG-në në finale.
Tani italiani përgatitet për një hap të madh në karrierë, duke marrë drejtimin e një prej klubeve më të fuqishme në Evropë dhe duke pasur detyrën e vështirë për të vazhduar trashëgiminë e Guardiolës.
