Manchester City është gati të bëjë një ofertë për Enzo Fernandez, i cili është kthyer në një nga objektivat kryesore të Enzo Maresca për përforcimin e mesfushës.
Chelsea është në dijeni të interesit dhe e vlerëson mesfushorin argjentinas në të paktën 120 milionë paund. Pavarësisht se afati jozyrtar i vendosur më herët nga londinezët ka kaluar, City pritet të rikthehet me një tentativë konkrete përpara mbylljes së merkatos.
Maresca e njeh shumë mirë 25-vjeçarin nga periudha e përbashkët te Chelsea dhe e konsideron atë një nga emrat idealë për rindërtimin e mesfushës, pas largimeve të Rodrit, Bernardo Silvas, Reijnders dhe Nico Gonzalez.
Nëse marrëveshja realizohet për shumën e kërkuar, Enzo Fernandez mund të bëhet një nga transferimet më të shtrenjta në historinë e Premier League.
