Manchester City ka fituar 2-0 ndaj Leicester, në sfidën e vlefshme për javën e 30-të në Premier League. “Qytetarët” gjetën avantazhin që në minutën e dytë, pas një aksioni të shpejtë, Jeremy Doku pason bukur për Savinho, braziliani jep një super asist për Jack Grealish, i cili nga pozicioni ku gjendej nuk e kishte të vështirë të dërgonte topin në rrjetë.
Ky është goli i parë këtë sezon në Premier League për Jack Grealish, i cili kishte 16 muaj pa provuar shijen e golit. Ndërsa goli i dytë erdhi në minutën e 29-të nga Omar Marmoush. Ekipi i Guardiolës rimerr vendin e katërt, por gara sa vjen e bëhet më e fortë.
Newcastle fitoi 2-1 ndaj Brentford në fushën e vetë. Isak dhe Tonali shënuan për “Qymyrxhinjtë”, miqtë barazuan përkohësisht shifrat me Mbreumo nga pika e bardhë e penalltisë. Aston Villa fitoi ndaj rivalit direkt Brighton, 0-2 në transfertë. Vendosën golat e Rashford, Asensio dhe Malen në pjesën e dytë.
