Të paktën 20 persona janë plagosur pasi një makinë u përplas me një turmë njerëzish në Santa Monica Boulevard, në Los Angeles.
Sipas autoriteteve vendase, një “automjet i panjohur” goditi këmbësorët, duke shkaktuar panik në zonë. Mediat ndërkombëtare raportojnë se pesë nga të plagosurit janë në gjendje kritike, ndërsa dhjetë të tjerë kanë marrë plagë të rënda.Departamenti i Zjarrfikësve i Los Anxhelosit tha: “LAFD po koordinon triazhin dhe transportin e pacientëve në këtë kohë.”
Pamjet filmike nga vendngjarja tregojnë disa persona të shtrirë në rrugë pranë një makine gri të dëmtuar rëndë, afër kryqëzimit me Vermont Avenue.
Në foto shihen ekipet e emergjencës duke u kujdesur për të lënduarit, ndërsa rruga është e mbushur me mbeturina.
