Një aksident i rëndë është regjistruar mesnatën e sotme në aksin rrugor Elbasan-Rrethrrotullimi i Bradasheshit. Raportohet se një makinë luksoze e cila po qarkullonte me shpejtësi është përplasur me një kamion.
Makina mësohet se ka tentuar të kryejë një parakalim dhe më pas ka humbur kontrollin duke u përplasur me kamionin. Nga përplasja e fortë mjeti është shkatërruar pothuajse plotësisht. Drejtuesi i autoveturës dhe një person tjetër janë transportuar për në Spitalin Rajonal të Elbasanit. Policia ka nisur hetimet për të përcaktuar shkakun e aksidentit.
