Pandeli Majko, një nga figurat më të njohura dhe me eksperiencë të shquar në politikën shqiptare, ka shpallur kandidimin e tij për një tjetër mandat në Kuvendin e Shqipërisë.
Deputeti i Partisë Socialiste, ish-kryeministër dhe një prej emrave më të respektuar të politikës, ka bërë të ditur se ka nënshkruar dokumentet e nevojshme për t’u përfshirë në garën elektorale të 11 majit, duke konfirmuar kështu angazhimin e tij për të vijuar punën në shërbim të qytetarëve.
“Firmosa dokumentat e kandidimit për deputet, që të vazhdoj në krah të familjes sime, PSSH, atë që kemi nisur, edhe pas zgjedhjeve të 11 majit! Jam i bindur, se një burrë nuk lind për të drejtuar, por i përgjigjet thirjes dhe bën detyrën!
Bufi ushqehet me minj!… Sot beteja më e rëndësishme është që Shqipërinë ta bëjmë një vend më të mirë! Votoni shokët dhe shoqet e mija në Listën e Hapur! Unë, jam vetëm një prej tyre!
Beteja ime organizative do të jetë në Kavajë dhe Rrogozhinë, dhe kudo që do të jem i nevojshëm, për të bërë detyrën dhe detyrimin ndaj kujtdo që beson tek e ardhmja europiane!
Votoni Partinë Socialiste! Do tja dalim, BASHKË! Shqipëria e fëmijve tanë, është e para!”
