Luka Modric do të jetë sërish lideri i Kroacisë në Botërorin 2026. Trajneri Zlatko Dalić ka publikuar listën për turneun që do të zhvillohet këtë verë në Meksikë, Kanada dhe Shtetet e Bashkuara.
Mesfushori 40-vjeçar, ish-lojtar i Real Madrid dhe aktualisht pjesë e AC Milan, do të marrë pjesë në Botërorin e pestë në karrierën e tij.
Kroacia do të ndërthurë eksperiencën e lojtarëve si Modric, Mateo Kovacic, Ivan Perisic dhe Andrej Kramaric me talente të rinj që kanë spikatur në futbollin europian, si Luka Vuskovic dhe Martin Baturina.
Në listë janë edhe disa emra të njohur nga futbolli spanjoll, përfshirë Luka Sucic të Real Sociedad, Duje Caleta-Car dhe sulmuesin Ante Budimir të Osasuna.
Kroacia ndodhet në Grupin L të Botërorit, së bashku me Anglinë, Panamanë dhe Ganën. Turneu do të zhvillohet nga 11 qershori deri më 19 korrik.
