Kryeministri polak, Donald Tusk pret që shumë shpejt të përcaktohet një datë për një armëpushim në Ukrainë.
Në një intervistë për radion polake “Polskie Radio,” Tusk theksoi se janë duke u shqyrtuar kufijtë e rinj dhe garancitë e sigurisë për Ukrainën, sipas raportimit të “Polskie Radio” në faqen e saj zyrtare.
“Të gjitha këto vendime pritet të çojnë në një ulje të përfshirjes së SHBA-së në çështjet e Ukrainës,” tha ai.
“Vendimet që lidhen me luftën në Ukrainë nuk duhet të merren në kurriz të popullit ukrainas, por as të vendeve të tjera,” shtoi Tusk, sipas raportimeve të Ansa.
