Real Madrid u mund për herë të tretë këtë sezon nga Barcelona. E fundit ishte mbrëmjen e të shtunës, kur katalanasit fituan 3-2 në finalen e Kupës së Mbretit.
Një finale e cila i bëri shumë gjëra të qarta Real Madridit. Drejtuesit e “Los Blancos” janë të pakënaqur me perfomancën e Rodrygo-s, braziliani u zëvendësua në fillim të pjesës së dytë nga Mbappe.
Lojtari brazilian, i cili dikur fitoi dashurinë e tifozëve me gola të rëndësishëm, tregoi edhe një herë se nuk ka nivelin e kërkuar për të qenë titullar në një ekip që synon të fitojë të gjitha titujt vit pas viti.
Gjatë pjesës së parë kundër Barcelonës, Rodrygo shfaqi një imazh apatik, pa shkëlqim, i paaftë të përbënte një kërcënim në mbrojtjen e katalanasve. Carlo Ancelotti, i vetëdijshëm për situatën, nuk hezitoi ta bënte të qartë: e zëvendësoi atë në pushim për të futur në lojë Kylian Mbappé.
Ndryshimi ishte i dukshëm. Real Madrid kaloi nga pasiviteti në sulm në një stuhi ofensive me Mbappé dhe Vinicius Junior që shkaktuan probleme serioze për mbrojtjen katalanase. Duke parë perfomancën e fundit por edhe ato gjatë sezonit, drejtuesit e Realit po mendojnë ta nxjerrin në shitje 24-vjeçarin brazilian për të cilin ka interes nga disa klube.
