Tashmë u konfirmua! Lori Hoxha dhe partneri i saj, Ervis Bajraktari kanë kurorëzuar dashurinë e tyre vetëm pak kohë më parë. Detajet e para dhe të vetmet deri më tani i ka dhënë vetëm këngëtarja Albërie Hadërgjonaj. Kjo e fundit, e ftuar në podcastin e Alketa Vejsiut, tregoi detajet nga dasma ku ishte e ftuar për të kënduar.
“Kam qenë tek martesa e Lori Hoxhës. Di të them që ka qenë një nuse e thjeshtë që nuk kisha parë ndonjëherë. Ishte një dasmë shumë private. Një dasmë shumë private, ishte një klas i paparë. Ishte si nga ato pallatet klasike, stil i vjetër, e gjithë salla e madhe ishte e mbështjellë nga një perde e rëndë. Nuk kisha parë ashtu ndonjëherë,”-tha këngëtarja.
Trashëgimtarja e Top Channel, Lori Hoxha dhe partneri i saj Vis Bajraktari kanë kurorëzuar dashurinë e tyre disa-vjeçare më 19 tetor. E gjithë ceremonia është mbajtur në hotelin “Sheraton” dhe ka pasur rreth 200 të ftuar. Deri më tani nuk është postuar asnjë foto, që siç duket ka qenë dëshirë e çiftit, të cilët u kanë vendosur rregulla strikte të ftuarve. Grupi i përzgjedhur për të kënduar në dasmën e Lorit ishin
‘Elita 5’ dhe këngëtarja Albërie Hadërgjonaj. Dj Benito, ishte gjithashtu pjesë e gëzimit të çiftit.
