Në librin e saj “When My Heart Broke”, që u publikua disa ditë më parë, këngëtarja Loredana flet për ndarjen me ish-in e saj dhe jep këshilla për njerëzit që po kalojnë diçka të ngjashme.
Pas katër vitesh lidhje, Loredana dhe Mozzik u ndanë miqësisht. Ata kanë një vajzë së bashku, Hana.
“Ishte e tmerrshme. Herën e parë që isha larg tij për një kohë të gjatë, ato ishin ditët më të këqija të jetës sime”, kujton 29-vjeçarja.
Për shkak të varësisë që zhvilloi Loredana, vendimi e ndikoi jashtëzakonisht shumë.
“Kam humbur shumë peshë gjatë kësaj kohe. Me gjatësinë time gati 170 centimetra, në një moment peshoja vetëm 43 kilogramë”, thotë ajo për shembull.
Ajo jetonte vetëm me Red Bull dhe cigare.
“Edhe dushi ishte një luftë. Pa Hanën ndoshta nuk do të kisha mundur ta bëja këtë. Nuk i kushtova më vëmendje vetes dhe e shkatërrova veten më shumë dita ditës”, shkruan ajo.
Në disa te pjesë të tjera të autobiografisë, reperja rrëfen se Mozzikun e pyeste edhe për flokë e veshje, e madje atë kohë e konsideronte si “burrin e ëndrrave të saj”, ndarjen me të cilin nuk e mendonte kurrë.
Një detaj interesant i shkëputur nga libri është fakti ku Loredana thotë se për ndarjen me Mozzik, kishte pasur vështirësi t’i tregonte familjes së saj, duke shtuar se nga 10 fëmijë sa janë në familjen e saj, asnjëri nuk kishte pasur martesë të dështuar.
