Rikthimi i Donald Trump në Shtëpinë e Bardhë ka shkaktuar një debat të gjerë lidhur me politikat e imigracionit, veçanërisht për sa i përket dëbimeve të emigrantëve të paligjshëm. Raportet tregojnë se mes 1.4 milionë personave me urdhra përfundimtarë dëbimi, ndodhen nga 1,874 deri në 2300 shtetas shqiptarë. Këto shifra sugjerojnë se Shqipëria është një nga vendet që mund të preken nga politika e re e dëbimeve, megjithatë nuk është një nga shtetet kryesore të prekur.
Administrata Trump ka ndërmarrë një qasje të ashpër ndaj emigracionit të paligjshëm, duke forcuar operacionet e ICE-së për zbatuar urdhrat e dëbimit. Kjo politikë mund të ketë një ndikim të ndjeshëm te komuniteti shqiptar në SHBA, veçanërisht për ata që kanë jetuar aty për vite me status të pasigurt. Pavarësisht kësaj, mbetet për t’u parë se si do të zbatohet kjo politikë në praktikë dhe cilat mund të jenë opsionet për ata që preken nga këto masa.
