Ministria për Evropën dhe Punët e Jashtme ka njoftuar se Jozef Ndoci, i cili mbahej i burgosur në Venezuelë për më shumë se një vit, është liruar dhe ndodhet tashmë në gjendje të sigurt.
Sipas MEPJ, Ndoci i cili mbahen në burgun e sigurisë së lartë El Rodeo, u la i lirë në kuadër të lirimit të një numri të burgosurve të huaj në Venezuelë.
Ndoci aktualisht ndodhet nën kujdesin e Kryqit të Kuq në Karakas.
Po ashtu në njoftim theksohet se Ministria është në kontakt me familjarët e tij dhe se po punohet për sjelljen e tij në vendin tonë.
