Prej më shumë se një muaji uji i Liqenit Artificial të Tiranës është ndotur duke marrë një ngjyrë jeshila dhe ka krijuar erë të rëndë për qytetarët që e frekuentojnë.
IliraNews.al e ka denoncuar edhe më parë këtë rast, por asnjë masë nuk është marrë nga institucionet për ta pastruar dhe situata vijon të jetë e njëjtë. Në këtë foto mund të shihet se niveli i ujit është ulur akoma më shumë se më parë, teksa ndotja vijon të jetë prezente.
Kjo situatë është një rrezik për gjallesat që jetojnë në liqen, pasi sipas ekspertëve mund të shkaktojë ngordhjen e tyre.
