Legjenda Lothar Matthäus pretendon se ka zbuluar problemin numër 1 të Bayern brenda strukturave të klubit. Sipas tij, presidenti i nderit, Uli Hoeneß, ka mosdakordësi me drejtorin sportiv të klubit, Max Eberl.
“Mendoj se Max dhe Uli nuk po flasin për të gjitha gjërat që ndodhin brenda klubit. Duket se nuk kanë komunikimin e duhur. Pra, nuk shoh harmoni në strukturat drejtuese.
“Më duket e dukshme të vë re se Uli ka pakënaqësi. Ai është i shqetësuar për financat. Fitimet nuk janë si më parë dhe kjo nuk e bën aspak të lumtur. As unë nuk do të isha i lumtur nëse do të kisha punuar shumë për të fituar të ardhura dhe im bir do t’i shpenzonte pa kriter”.
Max Eberl e di rolin e tij në klub. Ai duhet të reduktojë kostot e pagave. Duke rinovuar me yje si Jamal Musiala dhe Joshua Kimmich, pa harruar Alphonso Davies, uljet nuk duken gjëkundi.
I pyetur për largimin e Thomas Muller, legjenda e futbollit gjerman ka dhënë një këshillë nga larg. “Thomas duhet të provojë SHBA-në, që të ketë një horizont ndryshe dhe të jetë gati për rikthim në një rol drejtues. Mendoj se është acaruar pak, sepse nuk ka patur mjaftueshëm bisedime për të ardhmen e tij”.
