Rafael Leao ka reaguar publikisht ndaj spekulimeve për të ardhmen e tij, duke bërë të qartë se për momentin është i përqendruar vetëm te Milani.
Sulmuesi portugez është lidhur gjatë kësaj merkatoje me disa klube, mes tyre Galatasaray dhe Arsenal, ndërsa Milani e vlerëson kartonin e tij rreth 50 milionë euro.
“Fokusi im i vetëm është fusha. Dua të jap maksimumin në çdo ndeshje dhe në çdo seancë stërvitore”, shkroi Leao në Instagram.
Ai sqaroi gjithashtu se të gjitha çështjet e tij menaxhohen vetëm nga familja dhe avokati i tij.
“Askush tjetër nuk ka të drejtë të flasë në emrin tim. Jam i fokusuar te objektivat që kemi përpara”, shtoi portugezi.
Leao po përgatitet për sezonin e tij të shtatë me fanellën kuqezi, pas një edicioni të fundit ku regjistroi 9 gola dhe 3 asistime në 29 ndeshje.
