Në prag të ndeshjes së kthimit gjysmëfinale të Ligës së Kampionëve ndaj Barcelonës, Interi mori një lajm të madh: kapiteni Lautaro Martinez është rikthyer në stërvitje me skuadrën dhe pritet të jetë i gatshëm për përballjen vendimtare në “San Siro”.
Pas konferencës për shtyp të Simone Inzaghit dhe Alessandro Bastonit, zikaltrit zhvilluan seancën e fundit stërvitore me grup të plotë. Fillimisht, Lautaro dhe Benjamin Pavard munguan në pjesën e parë të seancës për shkak të problemeve fizike, por të dy iu bashkuan skuadrës më pas – një sinjal pozitiv që lë të kuptohet se mund të jenë në dispozicion për ndeshjen e madhe të së martës.
Ndërkohë, Davide Frattesi mbetet i vetmi jashtë planeve, pasi ka marrë një goditje dhe po ndjek një program të personalizuar rikuperimi.
