Barcelona ka një “power couple” të ri në qytet: sulmuesi 18-vjeçar i ekipit blaugrana, Lamine Yamal, konfirmoi romancën e tij me këngëtaren argjentinase Nicki Nicole, gjatë festimit të ditëlindjes së saj të 25-të.
Fotografia e publikuar nga ylli i futbollit, në profilin e tij në Instagram, tregon çiftin të kapur në një përqafim të ngrohtë, mes një dekorimi romantik me tortë të madhe, petale ruze, balona dhe lule, një sinjal i qartë që spekulimet nuk janë më vetëm thashetheme.
Romanca mes tyre flitet prej verës, nga shfaqjet e përbashkëta në festën e 18-vjetorit të Yamal, organizimet publike si ndeshjet e Barcelonës ku Nicki ishte me fanellën me numrin e tij, takimet në Ibiza dhe udhëtimi në Monaco që ndihmuan rritjen e spekulimeve.
Një episod që ndezi më tepër zërin e fansave ishte një video e postuar nga shoku i skuadrës, Ronald Araújo, ku shkëlqente sfondi i telefonit të Yamal një foto e Nicki Nicole, duke ngjallur dyshime se mes tyre kishte diçka më shumë se vetëm miqësi.
Një tjetër aspekt që ka marrë vëmendje në opinion publik është diferenca e moshës: Nicki është shtatë vjet më e madhese Yamal, një aspekt që ka nxitur debate në rrjete sociale ku disa e vlerësojnë çiftin për kiminë e tyre, ndërsa të tjerë shprehen rezervë.
