Juventus ka marrë një vendim për të ardhmen e trajnerit Luciano Spalletti. Drejtuesit e klubit torinez synojnë t’ia zgjasin kontratën teknikun italian, pavarësisht eliminimit të hershëm nga Champions League pas humbjes ndaj Galatasaray në fazën e 1/8-ave.
Sipas raportimeve të gazetarit Nicolò Schira, palët janë pranë marrëveshjes përfundimtare për një kontratë të re. Spalletti pritet të qëndrojë në krye të bardhezinjve të paktën deri në vitin 2028.
Sipas kushteve të marrëveshjes së re, trajneri italian do të përfitojë rreth 6 milionë euro në sezon, ndërsa njoftimi zyrtar pritet të bëhet në ditët e ardhshme.
Luciano Spalletti mori drejtimin e Juventusit në tetor të vitit 2025, kur zëvendësoi Igor Tudorin në pankinën e skuadrës torineze. Aktualisht, Juventusi renditet në vendin e gjashtë në tabelën e Serie A.
