Ylli i ri i Barcelonës dhe Spanjës, Lamine Yamal, nuk do të jetë pjesë e përfaqësueses në ndeshjet e ardhshme kualifikuese për Botërorin 2026 ndaj Gjeorgjisë dhe Turqisë.
Sipas njoftimit zyrtar të Federatës Spanjolle të Futbollit, 18-vjeçari ka kaluar një procedurë radiofrekuence invazive për trajtimin e një dëmtimi në zonën pubike, e cila kërkon rreth 7–10 ditë pushim. Procedura u krye pa dijeninë e stafit mjekësor të “La Roja”-s, por federata vendosi të mos rrezikojë dhe e përjashtoi lojtarin nga lista për t’i mundësuar rikuperimin e plotë.
Spanja do të luajë në transfertë kundër Gjeorgjisë këtë të shtunë dhe më 18 nëntor do të presë Turqinë në shtëpi. Aktualisht, “La Roja” kryeson grupin me 12 pikë, me 15 gola të shënuar dhe asnjë të pësuar.
Ky vendim vjen në një periudhë tensioni midis Barcelonës dhe trajnerit të Spanjës, Conrad De la Fuente, pasi katalanasit kanë akuzuar selektorin për menaxhim të pamatur të lodhjes së lojtarëve, duke mos u dhënë atyre mjaftueshëm kohë pushimi.
