Festa e ditëlindjes ka nisur herët për Lamine Yamal, i cili më 13 korrik feston 18-vjetorin dhe dhurata e parë s’është aspak modeste. Këngëtari domenikan El Alfa është kujdesur ta bëjë të paharrueshme duke i dhuruar një bizhuteri tejet të kushtueshme.
Në rrjetet sociale, ai ka postuar foton e një varëseje të personalizuar për yllin e Barcelonës, me vlerë 400 mijë dollarë.
Varësja është një zinxhir ari me diamantë dhe gurë të çmuar të kuq e blu si blaugranat. Në mes të saj, gjenden inicialet e Yamal.
“Varësja më e bukur për futbollistin më të mirë në botë. Urime, legjendë”, shkruan El Alfa në postim.
Yamal duket se nuk e ka marrë ende dhuratën pasi më 9 korrik, një ditë pasi El Alfa ndau postimin, ai gjendej në Shangai.
Ylli më i ri i Barcelonës duket se po kalon një sezon fantastik. Ekipi arriti të merrte një tripletë fitoresh me La Liga, Copa del Rey dhe Supercopa de España
