Lamine Yamal dhe Erling Haaland janë tashmë futbollistët më të vlefshëm në botë. Pas përfundimit të Kupës së Botës 2026, Transfermarkt ka përditësuar vlerësimet e lojtarëve, me spanjollin dhe norvegjezin që kanë arritur shifrën rekord prej 220 milionë eurosh.
Të dy yjet kanë regjistruar një rritje prej 20 milionë eurosh dhe janë futbollistët e parë që kalojnë kufirin e 200 milionëve. Kylian Mbappé renditet pas tyre me një vlerë prej 200 milionë eurosh, pas 10 golave të realizuar me Francën në Botëror.
Rritjen më të madhe e ka regjistruar Michael Olise. Anësori i Bayern Munich vendosi rekordin e asistimeve në një edicion të Kupës së Botës dhe tashmë vlerësohet 170 milionë euro, duke u renditur i katërti.
Pesëshen e parë e plotëson Jude Bellingham me 160 milionë euro. Rritje kanë pësuar gjithashtu Elliot Anderson dhe Julián Álvarez, të cilët vlerësohen përkatësisht 120 dhe 110 milionë euro.
Mes veteranëve, Lionel Messi ruan një vlerë prej 15 milionë eurosh, ndërsa Cristiano Ronaldo vlerësohet 10 milionë euro.
