Një person ka mbetur i plagosur me armë në Tiranë.. Ngjarja ka ndodhur pranë mbikalimit të Rinasit pas një konflikti.
I plagosuri Fabjo Arifaj, 25 vjeç ka marrë një plumb në këmbë dhe ndodhet jashtë rrezikut për jetën. Gjithashtu mësohet se është dëmtuar me sende të forta shtetasi rreth 22 vjeç, Grisjan Latifaj i cili po merr mjekim në spital jashtë rrezikut për jetën.
Ndërkohë, është ngritur një grup i posaçëm hetimor, i cili, nën drejtimin e Prokurorisë po punon intensivisht për sqarimin e rrethanave dhe dokumentimin ligjor të rastit.
Njoftimi i policisë:
Vorë/Informacion paraprak
Rreth orës 13:50, tek mbikalimi i Domjes, gjatë një konflikti për motive të dobëta dyshohet se është plagosur me armë zjarri në këmbë shtetasi F. A., rreth 25 vjeç, i cili ndodhet në spital, jashtë rrezikut për jetën si dhe është dëmtuar dyshohet me sende të forta shtetasi G. L., rreth 22 vjeç, i cili po merr mjekim në spital, jashtë rrezikut për jetën.
Shërbimet e Policisë kanë ngritur pika kontrolli në hyrje/dalje të kryeqytetit dhe vijojnë kontrollet në zonë e në ambiente të ndryshme, për kapjen e autorit/ve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave dhe dokumentimin ligjor të rastit.
