Edmond Gjoci është 39 vjeçari shqiptar i cili humbi jetën pas një aksidenti të rëndë të ndodhur në Itali.
Gjoci, me origjinë shqiptare dhe banues në Tuoro sul Trasimeno u përplas nga një makinë ditën e sotme,
Ngjarja ndodhi në rrugën rajonale 71 në zonën e Riccios, një lagje në komunën e Cortonës, pranë kufirit me rajonin e Umbrias.
Gjoci ndodhej në pritje të dikujt që do ta shoqëronte për në punë, kur një makinë e goditi atë në buzë të rrugës.
Sipas informacioneve paraprake, drejtuesi i automjetit ishte një i ri 19-vjeçar, i sapo pajisur me leje drejtimi.
Ai dyshohet se ka humbur kontrollin e makinës, ka devijuar nga drejtimi dhe ka përplasur për vdekje Edmond Gjocin, i cili ndërroi jetë në vendngjarje.
Gjoci la pas bashkëshorten dhe një vajzë të vogël.
Hetimet për të sqaruar dinamikën e saktë të aksidentit po i ndjekin karabinierët e Cortonës.
