Sot, Kuvendi i Shqipërisë do të mblidhet në orën 14:30 për të zhvilluar seancën e radhës plenare.
Në rendin e ditës pritet të diskutohen disa projektligje, përfshirë ratifikimin e marrëveshjeve huamarrëse për projekte infrastrukturore, ndryshime në buxhetin e vitit 2024, dhe miratimin e aktit normativ për letërnjoftimin elektronik të shtetasve shqiptarë.
Po ashtu, do të shqyrtohen projektligje të tjera për pensionet, investimet strategjike dhe tatimin mbi të ardhurat.
