Prej vitesh, Thibaut Courtois ka treguar paraqitje të klasit botëror dhe konsiderohet gjerësisht si një nga portierët më të mirë në planet. Këtë herë, ai u pyet të përmendë portierët më të mirë të momentit.
Në një intervistë për COPE, portieri belg përmendi tre emra që, sipas tij, po japin paraqitjet më të forta aktualisht.
Citimi: “Tre portierët më të mirë në botë për momentin? Po e lë vetën mënjanë (qesh). Oblak në vend të tretë, Alisson dhe David Raya,” tha Courtois.
Në të njëjtën intervistë, Thibaut vuri në dukje edhe zhvillimin e jashtëzakonshëm të Kylian Mbappé këtë vit, duke theksuar se tashmë është e qartë që francezi është bërë një lider i vërtetë.
