Gjykata ka lënë në burg të arrestuarin e vetëm për vrasjen në Vlorë ditën e diel. 58-vjeçari Renato Hoxhaj u qëllua pranë shtëpisë, por autori dyshohet se u arratis në Greqi.
Pas hekurave është një nga bashkëpunëtorët e tij. I arrestuari Eris Mehmetaj ka mohuar të gjitha akuzat që janë bërë ndaj tij si bashkëpunimin për të kryer këtë vrasje ashtu edhe dijeninë se ku ndodhej automjeti i tij.
Automjeti i cili rezulton në pronësi të tij dhe që dyshohet se është makina me të cilën atentatorët janë larguar nga vendi i ngjarjes.
Eris Mehmetaj është shprehur se këtë automjet prej disa kohësh ia ka dorëzuar një prej shokëve të tij dhe së fundmi nuk kishte dijeni ku ndodhej ky automjet.
