Asnjë parti politike nuk ka mundur të marrë shumicën e votave për të formuar e vetme qeverinë e re në Kosovë.
Me të gjitha votat e numëruara përvec atyre të diasporës dhe atyre me kusht, vetëvendosja e kryeministrit Albin Kurti kryeson me rreth 41% të votave. Në vend të dytë renditet Partia Demokratike e Kosovës me rreth 22% të votave, e ndjekur nga Lidhja Demokratike e Kosovës me rreth 17% të votave.
Ndërsa Aleanca për Ardhmërinë e Kosovës dhe nisma kanë arritur të marrin pak më shumë se 7% të votave.
Ajo që vihet re, krahasuar me rezultatin e katër viteve më parë është një rënie e ndjeshme e vetëvendosjes dhe një rritje e lehtë për partinë e dytë dhe të tretë, PDK dhe LDK.
Lista serbe, e kthyer pas një bojkoti rreth 2 vjeçar ka fituar 4.05 për qind të votave, që nënkupton shumicën e votave të komunitetit serb me pesë subjekte të tjera politike që garuan për votat e këtij komuniteti.
Numri i përgjithshëm i pjesëmarrësve në votime arriti në pak më shumë se 40 Përqind, pa llogaritur votat e emigrantëve dhe ato me kusht. Do të jenë pikërisht rezultatet e këtyre dy të fundit që do të qartësojnë më shumë përbërjen e re të parlamentit dhe qeverinë e ardhshme. Megjithatë, kryeministri Kurti shpalli fitoren pas mesnatës në një takim me mbështetësit në qendër të Prishtinës.
Partia Demokratike, përshëndeti procesin zgjedhor dhe tha se rezultati është inkurajues.
Lumir Abdixhiku nga Lidhja demokratike, pranoi gjithashtu humbjen dhe tha se ai personalisht do të marrë përgjegjësitë.
E ndërsa rezultatet paraprake krijojnë paqartësi, vetëm kreu i Aleancës për Ardhmëinë e Kosovës, Ramush Haradinaj është shprehur i gatshëm deri më tani për të të krijuar një koalicion qeverisës me partitë e opozitës.
