E ardhmja e Endrick mund të marrë një drejtim të ri. Talenti 18-vjeçar brazilian, që iu bashkua Real Madrid-it në verën e vitit 2024, po përballet me mungesë të plotë minutash në “Santiago Bernabéu” dhe mund të kërkojë një fillim të ri diku tjetër.
Sipas “ESPN”, klubi francez Marseille ka shfaqur interes serioz për ta afruar sulmuesin e ri dhe pritet të nisë bisedimet me Real Madrid-in në ditët në vijim.
Këtë sezon, Endrick nuk ka luajtur asnjë minutë me madrilenët dhe nuk është përfshirë as në pankinë në ndeshjet e fundit. Në sezonin e kaluar, ai zhvilloi 37 ndeshje, duke shënuar 7 gola dhe dhuruar 1 asist, por konkurrenca e madhe në ofensivë e ka lënë jashtë planeve të Carlo Ancelottit.
Ndërkohë, te Real Madrid vijnë edhe lajme pozitive: Ferland Mendy është rikthyer në stërvitje pas më shumë se pesë muajsh mungesë për shkak të një dëmtimi në kofshë, të pësuar në finalen e Copa del Rey ndaj Barcelonës.
Në anën tjetër, Trent Alexander-Arnold pritet të rikuperohet në kohë për përballjen e ardhshme me katalanasit, duke shtuar alternativat për ekipin e Ancelottit.
