Kryetari i Komunitetit Mysliman të Shqipërisë, Bujar Spahiu, ka reaguar lidhur me lajmet për përkeqësimin e gjendjes shëndetësore të Kryepeshkopit Anastas Janullatos. Përmes një postimi në rrjetet sociale, Spahiu ka shprehur lutjet e tij për një shërim të shpejtë dhe të plotë të Kryepeshkopit, duke theksuar marrëdhënien e gjatë të bashkëpunimit mes tyre në çështjet e dialogut ndërfetar.
Ai e ka cilësuar Anastas Janullatosin si një lider të përkushtuar ndaj besimtarëve dhe tolerant ndaj të gjithëve.
“Kryepeshkopi i Kishës Ortodokse Autoqefale të Shqipërisë, z. Anastas Janullatos, ndodhet prej disa ditësh në gjendje jo të mirë shëndetësore.
Me Janullatosin kemi vite që bashkëpunojmë dhe bashkërendojmë veprimtarinë e dialogut ndërfetar në Shqipëri. Lider i kujdesshëm për besimtarët që përfaqëson dhe bashkëpunues e tolerant me këdo.
I lutemi Zotit për shërimin e tij të shpejtë e të plotë!”, shkruan Spahiu.
