Tirana po përballet me një situatë jashtë kontrolli të trafikut të mjeteve. Tashmë nuk ka më orar të pikut të trafikut sepse në çdo kohë që qytetarët zgjedhin për të qarkulluar, arteriet kryesore janë të bllokuara apo kthehen kalime me pengesa.
Shkak kryesor i paralizimit të kryeqytetit janë mjetet e parkuara në shkelje të rregullave të qarkullimit, të parkuara dyshe apo të lëna me sinjal pritje nga drejtuesit.
Prej ditësh po përcjell situatën kaotike në kryeqytet shoqëruar edhe me analizat e ekspertëve. Situata bëhet më shqetësuese teksa jemi në fund vit kur në Tiranë shtohen edhe vizitorët.
