Tiranë – Kryeministri i vendit, Edi Rama, do të merret në pyetje si dëshmitar në çështjen “Partizani”.
Vendimi është marrë nga GJKKO, e cila ka pranuar kërkesën e paraqitur nga mbrojtja.
Po ashtu, gjykata ka miratuar edhe marrjen në pyetje të Sali Berisha dhe Jamarbër Malltezi, kërkesë kjo e bërë nga SPAK.
Ndërkohë, GJKKO ka rrëzuar kërkesën për të marrë në pyetje oficerin e policisë gjyqësore, Besmir Karanxha, duke argumentuar se dëshmia e tij nuk ka relevancë dhe nuk i shërben zbardhjes së çështjes në seancë.
Sali Berisha akuzohet nga SPAK se ka shfrytëzuar postin e tij si kryeministër për të favorizuar dhëndrin e tij, Jamarbër Malltezi, me qëllim privatizimin e truallit të ish-kompleksit sportiv “Partizani”. Të dy akuzohen për korrupsion në bashkëpunim, ndërsa Malltezi akuzohet gjithashtu për pastrim parash.
