Kreu i Partisë Demokratike Sali Berisha, ka reguar sërish në lidhje me denoncimin e tij për deputetin e PS-së, Pandeli Majkon, të cilin e akuzoi për lidhje me krimin elektoral në kohën kur ky i fundit ishte drejtues politik në Qarkun Kukës.
Berisha përmes një postimi në Facebook thotë se Majko kërkoi strehim politik tek Elisa Spiropali. Gjithashtu Berisha thekson se dosja e Majkos për krimin elektoral në Kukës, është e bazuar në regjistrimin ambiental, që implikon direkt Pandeli Majkon, Alban Çelën, Drejtorinë e OSSHE-së të Qarkut Kukës.
Postimi i plotë:
Majko kërkoi strehim politik tek Pëllumbesha Spirogjoka. Bravo Pandi! Të dashur miq, denoncimi im dje, për të katërtën herë i dosjese së krimit elektoral në Kukës, zgjoi më në fund Z. Majko. Theksoj dhe një herë se kjo dosje është e bazuar në regjistrimin ambiental, që implikon direkt Pandeli Majkon, Alban Çelën, Drejtorinë e OSSHE-së të Qarkut Kukës etj… në të cilën vertetohet tenderi me shtylla centrifugale prej rreth 800 mijë euro dhe shpërndarja e tyre për fushatë elektorale në Qarkun Kukës dhe Qarkun Durrës. Sugjerim! Z. Majko mos pyet Pellumbeshën për virgjërinë tënde se ajo është shumë zenë në betej me Lubi Ballukun e Nesti Ramën, që i hëngrën kokën Lal Vjedhësit, por shko merr dosjen në arkivën e “SKAPIT të Partisë”.
