Sot është Dita Ndërkombëtare e Personave të Zhdukur.
Ndërkohë që janë bërë 26 vjet nga përfundimi i luftës në Kosovë, zyrtarisht figurojnë mbi 1590 persona të zhdukur.
Dje, krerët e shtetit kanë bërë homazhe te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë.
Edhe këtë të shtunë do të vazhdojnë aktivitete të ndryshme. Pas përfundimit të luftës në Kosovë, në vitin 1999, të zhdukur kanë qenë rreth 6.500 persona.
Që nga ajo kohë janë kryer disa zhvarrime në varreza masive në Kosovë dhe Serbi, dhe deri më tash janë gjetur rreth 70 për qind e të zhdukurve.
