Pas ngjarjes tragjike të gjetjes së trupit të dekompozuar të Petro Seferit në Korçë, kanë dalë edhe më shumë detaje nga jeta e tij e vështirë dhe vetmia që ai përjetoi deri në fund. Dhimitraq Peno, komshi i Petro Seferit, ka dhënë një intervistë për mediat, duke zbuluar më shumë informacione për situatën e rëndë të familjes Seferi dhe lidhjet e ftohta mes anëtarëve të saj.
Sipas Penos, vëllai i Petro Seferit kishte arritur në Korçë vetëm një javë përpara gjetjes së trupit, por nuk ka kontaktuar me të. “Ata kanë një godinë të përbashkët, por nuk flisnin. Vëllai kishte një javë që kishte ardhur, por nuk e kishte parë Petron,” thotë Peno.
Shoku i fëmijërisë i viktimës, Admir Sulejmani ka folur për Petro Seferin po ashtu, duke theksuar se ai ka vuajtur nga probleme shëndetësore dhe një varfëri të thellë, pa mundësi për të mbajtur asgjë më shumë se një jetë të vështirë.
Sipas Penos, një tjetër çështje që shqetëson është fakti që nuk ka pasur asnjë lloj mbështetjeje nga institucionet për t’u kujdesur për Petron, ndonëse ai kishte të drejtë për një kemp. “Kishte një kemp, por kjo nuk i mjaftoi. Ishte krejt i braktisur,” tha ai.
