Një 30-vjeçar është arrestuar në flagrancë nga Policia e Vlorës në kuadër të operacionit të koduar “Siguria”, për goditjen e armëmbajtjes pa leje dhe shpërndarjes së lëndëve narkotike.
Sipas njoftimit të Drejtorisë Vendore të Policisë Vlorë, shtetasi me inicialet E. O., 30 vjeç, banues në Vlorë, u kap në parkingun e një lokali në zonën e Lungomares.
Gjatë kontrollit fizik, në çantën e tij policia gjeti dhe sekuestroi një armë zjarri pistoletë me 6 fishekë, si dhe 2.18 gramë lëndë të dyshuar narkotike kokainë dhe 4.46 gramë cannabis sativa.
Materialet procedurale i janë referuar Prokurorisë për veprime të mëtejshme.
