Presidentja Vjosa Osmani ka thirrur të mërkurën, seancën konstituive të Kuvendit të Kosovës.
Në njoftimin zyrtar thuhet se ky vendim erdhi pas konsultimit me shumicën e partive parlamentare të përfaqësuara në Kuvend dhe duke pasur parasysh urgjencën e krijimit të institucioneve, miratimit të buxhetit dhe marrëveshjeve ndërkombëtare, në përputhje me Kushtetutën dhe legjislacionin në fuqi.
Parlamenti do të mblidhet më 11 shkurt në mesditë.
Një ditë më parë, Komisioni Qendror i Zgjedhjeve në Kosovë certifikoi rezultatin e zgjedhjeve të parakohshme parlamentare të 28 dhjetorit.
Sipas të dhënave të KQZ-së, Lëvizja Vetëvendosje u shpall fituese me 51.10 për qind të votave.
