Mbrojtësi i Barcelonës, Alex Balde, ka shkaktuar konfuzion dhe te qeshura ne salle kur është pyetur për trajnerin e Atalanta0s, Gian Piero Gasperinin. Barcelona do të përballet me Atalantën në ndeshjen e fundit te fazes se grumbullimit te pikeve në Champions, më 29 janar.
Gjatë konferencës për shtyp para ndeshjes, Balde u pyet për trajnerin e skuadrës së Bergamos. “Cila ishte pyetja? Për cilin lojtar po fliste?” mbrojtësi pyeti dikë që ishte ulur pranë tij.
Më pas ai iu drejtua gazetarit: “Nuk e kuptova se cilit lojtar e kishit fjalën. Për cilin lojtar e kishit fjalën?”
“Po flas për Gian Piero Gasperinin”, sqaroi gazetari. “Kush? Kush është ky?” pyeti Balde.
“Ai është trajneri”, pëshpëriti njeriu pranë lojtarit spanjoll. “Sinqerisht, nuk e njoh atë. Unë me të vërtetë nuk di çfarë të them. Nuk e njoh atë,” pranoi Balde.
