Komplot ndaj Elvana Gjatës? Artistja: Përsëri, s’e kuptoj pse po ndodh kjo!

Radio Televizioni Shqiptar (RTSH), ka publikuar këngët pjesëmarrëse të edicionit të 63-të të Festivalit të Këngës.

Në mesin e artistëve pjesëmarrës, këtë vit në garë është edhe këngëtarja e njohur Elvana Gjata, e cila garon me këngën “Karnaval”.

Elvana Gjata është emri më i përfolur për të përfaqësuar kombin shqiptar në garën e madhe të muzikës në Eurovision.

Ajo ka zgjedhur një këngë me ritme latine për të qenë pjesë e garës kombëtare. Por përmes një reagimi ditën e sotme ka ndarë një postim në llogarinë e saj Instagram.

Elvana ka ndarë një video ku dëgjohet kënga e saj e cila ishte zhdukur, pra nuk ka tekst, si dhe zëri i këngëtares nuk dëgjohet, por vetëm zhurmë. Sipas saj është hera e disatë që RTSH ka fshirë këngën e artistes.

“Përsëri… nuk mund ta di apo ta kuptoj pse po ndodh kjo, por e sigurtë që nuk kam parë kurrë diçka të tillë. Në çdo rast, nuk mund të bëj asgjë në këtë video sepse nuk është kanali im.

Ne jemi duke vlerësuar opsionet tona. Ju dua të gjithëve dhe faleminderit për kujdesin.”- shkruan Elvana.

Kujtojmë se kjo është hera e tretë që Elvana po merr pjesë në Festivalin e RTSH-së, ndërsa mbetet të shihet më 22 dhjetor, nëse kjo është “e treta e vërteta” për Elvanën.