Kompania amerikane e teknologjisë “Maxar” e ka bllokuar Ukrainën nga aksesi në imazhet e saj satelitore. Qeveria amerikane ka vendosur të pezullojë përkohësisht aksesin ukrainas në shërbimin e imazheve satelitore të shpërndarjes globale të zgjeruara GEOINT.
Më herët, disa përdorues që flisnin në kushte anonimiteti kishin konfirmuar bllokimin e aksesit në blogun ushtarak ukrainas “Militarnyi”. Ky bllokim vlen si për llogaritë shtetërore ashtu edhe për ato private.
“Ky është rezultat i ndalimit të përkohshëm të shkëmbimit të informacionit të shërbimeve sekrete me Kievin nga SHBA-ja”, sipas “Militarnyi”.
Pas një takimi të tensionuar midis presidentit ukrainas Volodymyr Zelensky dhe presidentit të SHBA-së, Donald Trump në Shtëpinë e Bardhë një javë më parë, qeveria amerikane pezulloi ndihmën ushtarake, dhe ofrimin e shkëmbimit të informacionit të shërbimeve sekrete, për momentin.
“Militarnyi” tha se “Maxar” ishte ofruesi kryesor i imazheve satelitore komerciale për përdoruesit në Ukrainë, veçanërisht për përcaktimin e lëvizjeve të trupave ruse ose ekzaminimin e dëmtimeve në vendet kryesore si në territorin e pushtuar nga Rusia, ashtu edhe në vetë Rusinë.
