Bayern e ka humbur durimin me Joshua Kimmich. Mesfushori gjerman kishte afat deri javën e kaluar për të dhënë një përgjigje për kontratën e re, por një dëmtim i këtij të fundit bëri që ai të vononte në kthimin e përgjigjes.
Befasisht, klubi është tërhequr në momentet e fundit, duke mos i ofruar një dokument të ri lojtarit të kombëtares gjermane. Drejtori Max Eberl ishte pro rinovimit duke i plotësuar kushtet mesfushorit, por bordi drejtues mendon ndryshe.
Paketa totale e kontratës së re të Kimmich ishte parashikuar rreth 100 mln euro për 4 vitet e ardhshme, një shifër marramendëse për bavarezët, raporton “Süddeutsche Zeitung”.
Lothar Matthäus, legjendë e futbollit gjerman dhe aktualisht ekspert futbolli në TV, është shprehur mirëkuptues për vendimin e Bayern. “Ata i dhanë kohë plot, por në një moment durimit i vjen edhe fundi. Nuk mbaj mend kaq shumë pritje nga Bayern sa tani për Kimmich”.
