Sami Khedira pritet të rikthehet te Real Madrid, këtë herë jo si futbollist, por si pjesë e stafit teknik të José Mourinhos.
Sipas The Athletic, ish-mesfushori gjerman është shumë pranë emërimit si ndihmëstrajner në stafin e trajnerit portugez, i cili po ndërton ekipin e tij pas rikthimit në krye të madrilenëve.
Për Khediran, që u tërhoq nga futbolli në vitin 2021, kjo do të jetë eksperienca e parë e rëndësishme në një rol të madh teknik. Më herët ishte përmendur edhe emri i Pepes, një tjetër ish-lojtar i preferuar i Mourinhos, por zgjedhja përfundimtare duket se ka rënë mbi Khediran.
Mourinho kërkon të rrethojë veten me njerëz të besuar dhe me figura që e njohin mirë ambientin e Real Madrid. Në stafin e tij pritet të jenë edhe João Tralhão, Pedro Machado, analisti Roberto Merellu, trajneri i përgatitjes fizike António Dias dhe trajneri i portierëve Nuno Santos.
Khedira ka luajtur më parë te Real Madrid pikërisht nën drejtimin e Mourinhos, duke regjistruar 126 ndeshje, 8 gola dhe 12 asistime me fanellën e bardhë.
Tani, ish-mesfushori gjerman është gati të rikthehet në “Santiago Bernabéu” për një kapitull të ri në karrierën e tij.
