Këngëtari i njohur dhe anëtar i kryesisë së Partisë Demokratike të Kosovës (PDK), Genc Prelvukaj, ka konfirmuar se do të jetë pjesë e listës së kandidatëve për deputetë në zgjedhjet parlamentare të 9 shkurtit.
Në një intervistë televizive, ai ka bërë të ditur se ambicia e tij për të hyrë në politikë është të kontribuojë në zhvillimin dhe përparimin e Kosovës, duke ofruar një vizion të ri për të ardhmen e vendit.
Prelvukaj ka kritikuar ashpër Qeverinë Kurti për mënyrën se si po menaxhon politikën e jashtme të Kosovës dhe për gjendjen ekonomike të qytetarëve. Ai e ka akuzuar ekzekutivin për varfërimin e politikës së jashtme, duke theksuar se marrëdhëniet ndërkombëtare të Kosovës janë përkeqësuar nën udhëheqjen e Qeverisë Kurti. Sipas tij, kjo ka sjellë izolim dhe ka ndikuar negativisht në zhvillimin e vendit.
Me kandidimin e tij për deputet, Prelvukaj synon të sjellë një ndryshim në politikën kosovare dhe të kontribuojë në forcimin e institucioneve të vendit, duke u fokusuar në përmirësimin e kushteve të jetesës dhe avancimin e marrëdhënieve ndërkombëtare të Kosovës.
Këngëtari është i martuar me Eni Koçin, dhe bashkë kanë sjellë në jetë dhe fëmijë!
