Pasditen e sotme, Partia Demokratike ka organizuar një protestë para Kryeministrisë, ku morën pjesë disa dhjetëra qytetarë.
Në protestë nuk ishte i pranishëm kryetari i PD-së, Sali Berisha, i cili ndodhet në Strasburg, ku pritet të zhvillojë disa takime politike.
Ndërkohë deputeti, Belind Këlliçi, i cili në fjalën e tij dënoi veprimet e policisë gjatë protestës së 24 janarit, duke akuzuar përdorimin e gazit lotsjellës ndaj protestuesve, që sipas opozitës ishte i skaduar.
“Historia ka treguar se kur pushteti godet qytetarët e saj, i ka hyrë frika në palcë. Goditjet dhe mbi minorenet, janë vendime politike drejtpërdrejt nga bunkeri i Surrelit”, tha Këlliçi duke shtuar se dhuna ka qenë programi i këtij sekti që kur erdhën në pushtet.
“Doktori ka shkuar për të përfaqësuar Shqipërinë në një takim të rëndësishëm ditën e nesërme. Një fakt të rëndësishëm historik që nuk e mohon dot as Edi Rama, Shqipërinë e anëtarësoi në KE, PD në 13 korrik 1995.
Sado që baltosin, shpifin paguajnë nga paratë e inceneratorëve, faktet janë kokëforta, çdo arritje në integrimin europian, është meritë e PD-së dhe Sali Berishës.
Protesta ishte e jashtëzakonshme dhe e tronditi pushtetin. Faleminderit 19 djemëve që kaluan natën në qeli. Ata janë guximtarë. Nesër në 10:30 të na bashkohemi në dhomën penale në Gjykatës së Tiranës për të bërë të mundur lirimin e këtyre djemve. Dy netë më parë narkoshteti dëshmoi se është më i dobët se kurrë.
I ka hyrë frika në palcë, çarja e madhe ka filluar. Frika me metoda mafioze është kthyer mbrapsht. Nuk janë thjeshtë reagime policore, por janë vendime politike drejtpërdrejt nga bunkeri i Surrelit. Një pushtet kriminal nuk përdor dhunën vetëm për shpërndarje, por edhe për të qetësuar veten. Dhuna ka qenë programi i sektit që kur erdhën në pushtet”, tha mes të tjerash Këlliçi.
