Katari ka marrë pikën e parë në historinë e tij në Kupën e Botës, pas barazimit 1-1 ndaj Zvicrës në ndeshjen e parë të Grupit B.
Zvicra e nisi më mirë takimin dhe kaloi në avantazh që në minutat e para me Breel Embolo, i cili shënoi nga pika e bardhë e penalltisë pas ndërhyrjes së Abunada ndaj Aebischer.
Skuadra e Murat Yakin pati disa raste për të dyfishuar rezultatin gjatë pjesës së parë, por Ndoye dhe Vargas nuk arritën të finalizonin.
Edhe pas pushimit, Zvicra kontrolloi më shumë lojën dhe iu afrua golit me Xhakën, por goditja e tij nga distanca përfundoi pak mbi traversë.
Kur dukej se zviceranët do të merrnin fitoren, Katari reagoi në minutat shtesë. Boualem Khoukhi shënoi me një goditje të fuqishme me kokë, duke mposhtur Kobel dhe duke vendosur rezultatin përfundimtar 1-1.
Me këtë barazim, të katër skuadrat e Grupit B mbeten me pikë të barabarta pas ndeshjeve të para.
