Në portin e Livornos në Itali, autoritetet kanë sekuestruar një sasi prej 40 kilogramësh kokainë të ndarë në 36 pako, me një vlerë të përllogaritur në rreth 3 milionë euro.
Gjatë operacionit, tre shtetas shqiptarë u arrestuan në përpjekje për të nxjerrë lëndën narkotike nga një kontejner i ardhur nga Ekuadori. Policia i arrestoi ata në flagrancë, ndërsa lënda do të dërgohet për analiza dhe më pas do të asgjësohet.
Prefekti i Livornos, Giancarlo Dionisi, vlerësoi këtë operacion të suksesshëm duke e cilësuar si një veprim të rëndësishëm për goditjen e krimit të organizuar që përdor portin si pikë hyrjeje për trafikun e drogës.
