Një sasi kokaine është kapur nga autoritetet italiane dhe në pranga kanë rënë dy shqiptarë. Sipas autoriteteve është rritur numri i bandave shqiptare që veprojnë në Itali.
“Shtohen trafikantët shqiptarë të drogës”, thuhet në titullin e lajmit, teksa artikulli tregon për një sasi të konsiderueshme kokaine.
Kapja e 200 kg kokainë, në pranga 2 shqiptarë
Policia italiane ka kapur një sasi rekord kokaine prej 200 kg, sasi e cila iu përkiste dy shqiptarëve. Autoritetet vendase kanë vënë në pranga dy shqiptarët që iu kap kokaina, 37 dhe 44 vjeç. Ata u arrestuan dhe dërguan në burgun e Monzës.
Policia po i mbante në përgjim shqiptarët, të cilët mbanin kontakte me një tjetër bashkëatdhetar, po ashtu i arrestuar, për dergesën e 60 kg kokaine në Milano.
Pas arrestimit, policia gjeti para dhe materiale për tregtimin e drogës në banesën e të arrestuarve.
Kapja e 93 kg kokainë disa javë më parë
Vetëm disa javë më parë autoritetet italiane kapën një sasi të konsiderueshme kokaine, 93 kg, që po ashtu tregtohej nga shqiptarë.
Disa ditë më vonë u kapën 5 kg të tjera. Nga hetimet dhe arrestimet e bëra rezulton se lënda narkotike tregtohet nga grupe të strukturuara kriminale shqiptare.
Mes të arrestuarve për tregtimin e lëndës narkotike në këto dy raste janë 5 shqiptarë dhe vetëm një italian./ilirianews
