Kanye West dhe Bianca Censori duket se po shkojnë drejt divorcit, vetëm 11 ditë pasi ajo u shfaq e zhveshur në tapetin e kuq të Grammy. Çifti thuhet se ranë dakord verbalisht që Bianca Censori të merrte 5 milionë dollarë kompensim pas martesës së tyre të shkurtër, e cila filloi në dhjetor 2022.
Një burim i afërt me reperin konfirmoi për DailyMail se çifti tani janë ndarë dhe së shpejti pritet të bëhet një kërkesë ligjore për t’i dhënë fund martesës së tyre. 30-vjeçarja aktualisht po qëndron në shtëpinë e tyre luksoze prej 35 milionë dollarësh në zonën e Beverly Park North të Los Anxhelosit.
Nuk dihet nëse Kanye West është me të, por disa besojnë se ai mund të kthehet në Tokio, Japoni në ditët në vijim, ku kaloi pjesën më të madhe të vitit të kaluar duke qëndruar në një hotel. Kriza mes çiftit ndoshta filloi në natën e Grammy-it, dhe më pasi u pasua me shpërthimin antisemitik të reperit në “X”.
Censory ishte vendosur të luante në një film fiction që po xhirohej pjesërisht në Japoni, i bashkëprodhuar nga West, i cili thuhet se do të fokusohej në trupin e femrës, por ajo u tërhoq nga xhirimet pak para se të bëhej e ditur lajmi për ndarjen e tyre.
“Bianca është thellësisht e lënduar nga veprimet e Ye dhe nuk i mbështet ato fare”, tha një burim. “Ajo është e tmerruar nga ajo që ai ka bërë, si dhe shumë njerëz të tjerë të afërt me të”, shtoi ai. Gruaja e Kanye West po përpiqet të rikuperohet nga shpërthimi i reperit në X (ish-Twitter), ku ai postoi një sërë komentesh antisemite, homofobike dhe seksiste.
