Specialistët për Hetimin e Krimeve në Komisariatin e Policisë Lushnjë kanë shpallur në kërkim dy shtetas, një 46-vjeçar dhe një 31-vjeçar të dy banues në fshatin Karbunarë.
Një 41-vjeçar ka bërë kallëzim në polici, duke deklaruar se këta shtetas e kanë kanosur dhe i kanë marrë automjetin.
Gjatë kontrollit në banesën e 31-vjeçarit, shërbimet e Policisë kanë gjetur dhe sekuestruar një sasi të vogël lënde të dyshuar narkotike të llojit kokainë.
Policia po vijon punën intensive për kapjen e personave të shpallur në kërkim dhe për sqarimin e plotë të rrethanave të ngjarjes.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
