Ish-deputeti i Partisë Demokratike, Ervin Salianji, i dënuar me një vit burg nga Gjykata e Apelit, ka paraqitur një kërkesë për lirim me kusht pranë Gjykatës së Fierit, pasi ka përmbushur dy të tretat e dënimit të tij.
Më 27 shtator, Salianji u vetëdorëzua pranë Policisë dhe më pas u transferua në burgun e Fierit, ku po vuan dënimin prej një viti në lidhje me çështjen e njohur si “Babale”. Procesi gjyqësor ndaj tij zgjati disa vite dhe lidhej me një denoncim publik që ai kishte bërë kundër Geron Xhafajt, vëllait të ish-ministrit të Brendshëm, Fatmir Xhafaj, në lidhje me përfshirjen në trafik droge dhe një dënim të parealizuar në Itali.
Megjithatë, gjykata e shpalli fajtor për kallëzim të rremë. Aktualisht, Salianji vijon të qëndrojë në burgun e Fierit në pritje të shqyrtimit të kërkesës së tij për lirim me kusht.
